چیئرمین جوائنٹ چیفس آف کمیٹی جنرل ساحر شمشاد مرزا کا دورہ چین،چینی ہم منصب سے ملاقات |
|
بدھ 21 جون 2023ء | |
آئی ایس پی آر کے مطابق چین کے دورے پر موجود چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے چینی چیف آف جوائنٹ سٹاف ڈیپارٹمنٹ جنرل لیو ژینلی سے ملاقات کی، ملاقات کے دوران چین اور پاکستان کے درمیان جاری دوطرفہ دفاعی تعاون کا جائزہ لیا، چیئرمین جوائنٹ چیفس آف اسٹاف کمیٹی جنرل ساحر شمشاد مرزا کا کہنا تھا کہ پاک چین دوستی خصوصی اہمیت کی حامل ہے اور پاکستانی عوام کے دلوں اور دماغ میں اس دوستی اور تعلقات کی گہری جڑیں ہیں، انہوں نے مزید کہا کہ دونوں ممالک کے فوجی تعلقات نہ صرف آزمائش کی ہر گھڑی پر پورا اترے ہیں بلکہ دفاعی اور تربیتی شعبوں میں بھی اعلیٰ سطح کے تعاون میں بہتری آئی ہے، چیئرمین جوائنٹ چیفس آف اسٹاف کمیٹی جنرل ساحر شمشاد مرزا پاکستان چین دفاعی اور سیکیورٹی مذاکرات کے لئے پاکستانی وفد کے سربراہ کے طور پر 18 سے 22 جون تک چین کے سرکاری دورے پر ہیں، چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے اعلیٰ سطحی سول اور ملٹری حکام بشمول چینی سٹیٹ قونصلر کن کینگ، وزیر خارجہ، چن وین کنگ اور دیگر فوجی اور سرکاری عہدیداروں کے ساتھ ملاقاتیں کیں، جس کے دوران دونوں فریقوں نے اس عزم کا اعادہ کیا کہ "آئرن برادرز" اور "آل ویدر فرینڈز" ہونے کے ناطے پاکستان اور چین گہرے اسٹریٹجک تعلقات مزید استوار کرتے رہیں گے،، |