سمندری طوفان سے نقصان کا خدشہ،ریسکیو اینڈ ریلیف کےلئے پاک فوج فرنٹ لائن پر موجود |
|
پیر 12 جون 2023ء | |
سمندری طوفان سے ممکنہ طور پر ساحلی پٹی میں ہنگامی حالات سے نمٹنے کےلئے پاک فوج کی طرف سے تمام گیریژنز کو عوام کی بھرپور امداد اور ریسکیو کیلئے ہدایات جاری۔کر دی گئیں ہیں جبکہ سمندری طوفان کے پیشِ نظر تمام ساحلی پٹیوں سے غیر محفوظ آبادیوں کے انخلاء میں سول انتظامیہ کی مدد کےلئے پاک فوج کے پُر دم دستے حیدرآباد، بدین اور ملیر کینٹ سے روانہ ہو گئے ہیں،مجموعی طور پر ٹھٹھہ، سجاول اور بدین کے ساحلی علاقوں سے تقریباً 90,000 شہریوں کو محفوظ مقامات پر منتقل کیا جانا ہے،پاک فوج نے تمام وسائل کو بروئے کار لاتے ہوئے کراچی کور کے تمام گیریژنز کو ہر طرح کی امدادی سرگرمیوں اور متاثرہ افراد کے انتظام کیلئے تیار کر لیا ہے،کراچی میں 40 سے زائد عمارات کی بھی خطرات کے پیشِ نظر فوری طور پر انخلاء کے لیے شناخت کر لی گئی ہے،ہر طرح کے نقصانات کی روک تھام اور عوام کی بھرپور امداد کیلئے پاک فوج صف اول میں اپنا بھرپور کردار ادا کریگی |