شمالی وزیرستان،سیکیورٹی فورسز اور دہشتگردوں کے درمیان جھڑپ،ایک دہشتگرد ہلاک

آئی ایس پی آر کے مطابق شمالی وزیرستان کے علاقے اسپن وام میں سیکیورٹی اہلکاروں اور دہشت گردوں کے درمیان جھڑپ ہوئی، سیکیورٹی اہلکاروں نے مؤثر انداز میں دہشت گردوں کو جواب دیا، شدید فائرنگ کے تبادلے میں ایک دہشت گرد مارا گیا، جب کہ دو دہشت گرد زخمی ہوئے، سیکیورٹی فورسز نے اسلحہ اور گولہ بارود بھی برآمد کرلیا، ہلاک دہشت گرد سیکیورٹی فورسز کے خلاف دہشت گردی کی کارروائیوں سمیت بے گناہ شہریوں کے قتل میں بھی ملوث تھا، علاقے کے لوگوں نے آپریشن کو سراہا اور علاقے سے دہشت گردی کی لعنت کے خاتمے کے لئے بھرپور تعاون کا اظہار کیا،،