اسرائیل نے براہ راست حج پروازوں کےلئے سعودی عرب سے درخواست کر دی

بین الاقوامی میڈیا رپورٹس کے مطابق اسرائیل نے براہ راست حج پروازیں شروع کرنے کےلئے سعودی عرب سے باضابطہ درخواست کی ہے،اسرائیل کی 18 فیصد آبادی مسلمانوں پر مشتمل ہے اور اسرائیل اور فلسطین سے مسلمان دیگر ممالک کے ذریعے حج کے لیے جاتے ہیں۔ رپورٹس کے مطابق اسرائیل سے حج پروازیں آئندہ ماہ جون سے فعال ہونے کا امکان ہے تاہم ابھی سعودی حکومت نے براہ راست پروازوں کے حوالے سے کوئی ردعمل ظاہر نہیں کیا میڈیا رپورٹس کے مطابق اسرائیلی وزیر خارجہ کا کہنا تھا کہ ہم نے سعودی عرب سے درخواست کی ہے امید ہے کہ ہماری درخواست قبول ہوگی اور سعودی عرب کے ساتھ امن کے سلسلے میں پیش رفت ہوگی۔