سپریم کورٹ پریکٹس اینڈ پروسیجر بل باقاعدہ قانون بن گیا،گزٹ نوٹیفیکشن جاری کرنے کی ہدایت

قومی اسمبلی سیکرٹریٹ ذرائع کے مطابق سپریم کورٹ پریکٹس اینڈ پروسیجر بل باقاعدہ قانون بن گیا ہے ،سیکرٹریٹ کے مطابق سپریم کورٹ پریکٹس اینڈ پروسیجر ایکٹ اب قانون کی شکل میں باقاعدہ نافذ ہوچکا ہے اور اسکے گزٹ نوٹیفیکشن کےلئے پرنٹنگ کارپوریشن کو حکم دے دیا گیا ہے واضح رہے کہ صدر مملکت عارف علوی نے مذکورہ بل کو بغیر دستخط کے پارلیمنٹ کو واپس بھجوایا تھا تاہم پارلیمنٹ کی منظوری کے تمام مراحل مکمل ہونے کے بعد قومی اسمبلی سیکرٹریٹ نے نوٹیفیکشن جاری کر دیا ہے واضح رہے کہ سپریم کورٹ نے اس بل پر عملدرآمد روکنے کا حکم جاری کیا تھا تیرہ اپریل کے حکم نامے کے مطابق مذکورہ بل کے خلاف درخواستوں کی سماعت دو مئی کو ہوگی اس بل پر صدر مملکت دستخط کریں یا نہ کریں دونوں صورتوں میں تاحکم ثانی نافذ العمل نہیں ہوگا