جنوبی وزیرستان میں سیکیورٹی فورسز کی کارروائی،آٹھ دہشتگرد ہلاک،دو سیکیورٹی اہلکار شہید |
|
هفته 15 اپریل 2023ء | |
آئی ایس پی آر کے مطابق سیکیورٹی فورسز نے جنوبی وزیرستان کے علاقے زرملان میں انٹیلی جنس پر مبنی آپریشن کیا، آپریشن کے دوران سیکیورٹی اہلکاروں اور دہشت گردوں کے درمیان شدید فائرنگ کا تبادلہ ہوا، جس کے نتیجے میں 8 دہشت گرد مارے گئے، ہلاک دہشت گردوں سے اسلحہ اور گولہ بارود بھی برآمد کرلیا گیا، مارے گئے دہشت گرد سیکورٹی فورسز کے خلاف دہشت گردی کی کارروائیوں اور معصوم شہریوں کے قتل میں ملوث تھے، تاہم شدید فائرنگ کے تبادلے کے دوران ضلع کرم کے علاقے پارا چنار کے 25 سالہ لانس نائیک شعیب علی اور ضلع لکی مروت کے 22 سالہ سپاہی رفیع اللہ بہادری سے لڑتے ہوئے شہید ہوگئے، علاقے میں ممکنہ دہشت گردوں کے خاتمے کیلئے سرچ آپریشن بھی کیا گیا، ترجمان کے مطابق سیکیورٹی فورسز دہشت گردی کی لعنت کے خاتمے کے لئے پرعزم ہیں اور ہمارے بہادر سپاہیوں کی یہ قربانیاں ہمارے عزم کو مزید مضبوط کرتی ہیں،، |