امریکہ اور کینیڈا میں امام مسجد اور نمازیوں پر حملے کے دو واقعات،ملزمان گرفتار |
|
پیر 10 اپریل 2023ء | |
بین الاقوامی میڈیا رپورٹس کے مطابق امریکی ریاست نیو جرسی کی مسجد میں فجر کی نمازکے دوران امام پر نامعلوم شخص نے چاقو سے حملہ کر دیا۔ حملے کے نتیجے میں امام مسجد زخمی ہوگئے ۔ میڈیا رپورٹس میں بتایا گیا ہے کہ چاقو حملے کے وقت مسجد میں دو سو کے لگ بھگ نمازی موجود تھے۔ حملہ کرنے والے شخص کو مقامی پولیس نے گرفتار کر لیا ہے تاہم اسکی شناخت ظاہر نہیں کی گئی اور امام مسجد کو ہسپتال منتقل کر دیا گیا جہاں انکی حالت خطرے سے باہر بتائی گئی یے دوسری طرف میڈیا رپورٹس کے مطابق کینیڈا کے شہر مارکھم میں مسجد کےاحاطے میں گاڑی سے نمازی کو کچلنے کی کوشش کی گئی اٹھائیس سالہ ملزم شیرن کیرونا کیرن کو ٹورنٹو سے گرفتار کرکے نفرت انگیز جرم کا الزام عائد کیا گیا ہے۔کینیڈا کی حکومت نے واقعے کی مذمت کی ہے ۔ |