بھارتی ریاستوں کرناٹک اور بہار میں انتہا پسند ہندوؤں کے باعث فسادات پھوٹ پڑے |
|
جمعه 31 مارچ 2023ء | |
بھارتی میڈیا رپورٹس کے مطابق کرناٹک میں رام نوامی کی تقریبات کے دوران جنونی ہندوؤں کے جلوس نے افطار کے وقت مسجد کے باہر شدید نعرے بازی اور ہلڑبازی کی جنونی ہندوؤں کی نعرے بازی سے صورتحال ہاتھا پائی تک پہنچ گئی،تصادم میں چاقو کے وار لگنے سے چار افراد زخمی ہوگئے۔ کرناٹک واقعے کے بعد بھارت کے مختلف علاقوں میں بھی فسادات پھوٹ پڑے ہیں۔ بھارتی ریاست بہار کے دارالحکومت پٹنہ میں اظہر احمد نامی مسلمان کی گاڑی پر رام نوامی کے جلوس کے شرکا نے حملہ کیا اور نعرے لگائے کہ مسلمانوں کو پاکستان بھیج دو ایک اور واقعے میں حضرت گنج محلہ میں مسلمانوں کو ہراساں کیا اور قابل اعتراض نعرے لگائے جس پر کشیدگی بڑھ گئی۔ پو لیس نے ہنگامہ آرائی پر دو سو افراد کے خلاف مقدمہ درج کرلیا۔ رپورٹس کے مطابق بھارت کے دیگر حصوں میں ہونے والی پُرتشدد واقعات میں دو پولیس کی گاڑیاں، چار موٹر سائیکلیں اور ایک کار کو نذر آتش کیا جا چکا ہے جب کہ مسلمانوں کی املاک کو جلانے اور دکانوں سے لوٹ مار کی اطلاعات بھی موصول ہوئی ہیں۔ |