سعودی عرب اور شام کے درمیان تعلقات کی بحالی کی راہیں ہموار |
|
جمعه 24 مارچ 2023ء | |
میڈیا رپورٹ کے مطابق ایک دہائی تک سفارتی تعلقات منقطع رہنے کے بعد شام اور سعودی عرب کے درمیان تعلقات کی بحالی کی راہیں ہموار ہونے لگی ہیں اور بیک ڈور مذاکرات کا سلسلہ جاری ہے،ذرائع کے مطابق دونوں ممالک کے درمیان سفارتی تعلقات کی بحالی اور سفارتخانے کھولنے کے حوالے سے پیش رفت ہوچکی ہے۔اور اس حوالے سے عید الفطر تک اس حوالے سے مزید پیش رفت سامنے آسکتی ہے میڈیا رپورٹ کے مطابق دونوں ممالک کے درمیان رابطوں میں تیزی آرہی ہے اور ایران کے بعد شام سے ساتھ تعلقات کی بحالی مشرق وسطیٰ کی صورتحال میں بڑی تبدیلی کے طور پر دیکھی جارہی ہے۔مذاکرات یا ان میں ہونے والی پیش رفت کے حوالے سے ابھی تک دونوں ممالک کی طرف سے کوئی باقاعدہ تبصرہ سامنے نہیں آیا ہے واضح رہے کہ دوہزار گیارہ میں شام میں خانہ جنگی کے بعد متعدد عرب ریاستوں نے شام سے روابط منقطع کئے تھے |