گورنر خیبرپختونخواہ کے خلاف سپریم کورٹ میں توہین عدالت کی درخواست دائر

سپیکر کے پی مشتاق احمد غنی کی جانب سے سپریم کورٹ میں دائر کی گئی توہین عدالت کی درخواست میں گورنر کے پی غلام علی اور الیکشن کمیشن کو بھی فریق بنایا گیا ہے، درخواست میں موقف اختیار کیا گیا ہے کہ ریکارڈ سے ثابت ہے کہ الیکشن کمیشن نے کے پی میں انتخابات کی تاریخ کے لیے متعدد خطوط لکھے، انتخابات کے انعقاد سے متعلق سپریم کورٹ کا اکثریتی فیصلہ واضح ہے، گورنر کے پی سپریم کورٹ کے احکامات کی خلاف ورزی کر کے توہین عدالت کے مرتکب ہوئے، درخواست میں عدالت سے استدعا کی گئی ہے کہ گورنر کے پی کے خلاف توہین عدالت کی کاروائی چلائی جائے، درخواست میں یہ بھی استدعا کی گئی ہے کہ اگر گورنر کے پی تاریخ نہیں دیتے تو سپریم کورٹ صدر مملکت یا کسی آئینی عہدے دار کو ہدایت دے کہ وہ تاریخ مقرر کرے۔یا سپریم کورٹ خود تاریخ مقرر کر دے۔