بھارت کا جنگی جنون،ساڑھے آٹھ ارب ڈالر نئے ہتھیاروں کی خریداری کےلئے مختص

غیر ملکی خبر رساں ادارے کے مطابق بھارتی وزارت دفاع کی طرف سے جاری بیان میں کہا گیا ہے کہ بھارتی فوج کیلئے ہتھیاروں کے حصول کی منظوری دینے والی کونسل نے ساڑھے آٹھ ارب ڈالرز کے آرڈرز کی منظوری دے دی ہے، اسلحہ خریداری کےتمام آرڈر بھارتی کمپنیوں کو ہی دیے جائیں گے۔ بھارتی وزارت دفاع کے مطابق بھارتی بحریہ کیلئے پانچ سو ساٹھ ارب روپے کی منظوری دی گئی ہے، بحریہ کیلئے دو سو اضافی براہموس میزائل، پچاس ہیلی کاپٹر اور الیکٹرانک وارفیئر سسٹم کی خریداری کی جائیگی بھارتی وزارت دفاع کے مطابق فضائیہ کیلئے طویل فاصلے تک مار کرنیوالے میزائلوں جبکہ فوج کیلئے ایک سو پچپن ملی میٹر باون کیلیبر کی توپوں کی منظوری دی گئی ہے، فوج کیلئے توپوں کو کھینچنے والی گاڑیوں سمیت دوسری طاقتور گاڑیوں کی خریداری کی بھی منظوری دے دی گئی ہے