پی ٹی آئی کارکنان اور پولیس کے درمیان جھڑپیں،نقصانات کی رپورٹ آئی جی پنجاب کو ارسال |
|
هفته 18 مارچ 2023ء | |
پولیس رپورٹ کے مطابق پی ٹی آئی کارکنوں نے تین واٹرکیننز اور پولیس کی دس گاڑیوں کو نقصان پہنچایا، جبکہ ایک بس کوجزوی نقصان پہنچایا گیا، رپورٹ کے مطابق ایک واٹر ٹینکرکو مکمل طور پر جلا دیا گیا، تین واٹر کیننز کا ساڑھے اٹھاون لاکھ روپےکا نقصان ہوا، بیالیس لاکھ پچاس ہزار روپے واٹر ٹینکر جلنے سے نقصان ہوا پولیس رپورٹ کے مطابق تمام گاڑیوں کا ایک کروڑ دس لاکھ نوے ہزار روپےکا نقصان ہوا، رپورٹ کے مطابق شادمان میں آٹھ موٹر سائیکلیں جلادی گئیں، ایک 125سی سی، دو ڈھائی سوسی سی بائیکس جلادی گئیں، موٹر سائیکلوں کی مالیت تئیس لاکھ روپے تھی، وائرلیس سیٹس اور کمیونیکیشن سسٹم کو پینتیس لاکھ کا نقصان پہنچایا گیا، کیمرے،کمپیوٹر سسٹم اور چھتریوں کی مد میں گیارہ لاکھ کا نقصان پہنچایا گیا۔ رپورٹ کے مطابق پیٹرول بم کی وجہ سے لگنے والی آگ سے روزنامچےکا تین سال کا ریکارڈ جل گیا، ٹکٹنگ کارجسٹر، ٹریفک قوانین کی خلاف ورزی پر شہریوں سے لیےگئے شناختی کارڈزبھی جل گئے، رجسٹریشن بکس اور لائسنس بھی نذر آتش ہوگئے، جولائی دوہزار بیس سے دسمبر دوہزار بائیا تک تمام چالان بکس بھی جل گئیں۔ جبکہ مجموعی طور پر پچاس پولیس اہلکار بھی جھڑپوں کے دوران زخمی ہوئے،تفصیلی رپورٹ آئی جی پنجاب کو بھجوا دی گئی ہے |