پاکستان کاایٹمی اور میزائل پروگرام کسی مذاکرات کا حصہ نہیں،ترجمان دفتر خارجہ

ترجمان دفتر خارجہ ممتاز زہرا بلوچ نے صحافیوں کو ہفتہ وار بریفنگ کے دوران کہا ہے کہ پاکستان سعودی عرب اور ایران کے مابین تعلقات کی بحالی کا خیر مقدم کرتا ہے, اسلام آباد میں او آئی سی وزرائےخارجہ اجلاس کے دوران ایران اور سعودی عرب کے وزرائےخارجہ کے درمیان ملاقات ہوئی تھی پاکستان ایران اور سعودی عرب کے دیگر دوستوں کی طرح ایران و سعودی عرب تعلقات بحالی کے لیے اپنا کردار جاری رکھے گا تاہم ہم چین سے ان تعلقات کی بحالی کا کریڈٹ نہیں لے سکتے اور چینی کردار کو سراہتے ہیں ممتاز زہرا بلوچ نے کہا کہ آج وزیر اعظم کے معاون خصوصی عون چوہدری بھارت میں ہونے والے ایس سی او کے ہیڈز آف ٹوورازم اجلاس سے خطاب کریں گے بطور ایک فعال رکن پاکستان ایس سی او کی سرگرمیوں میں بھرپور حصہ لیتا ہے پاکستان نے بھارت میں چند ماہ بعد ہونے والے ایس سی او اجلاس میں شرکت کا ابھی فیصلہ نہیں کیا تمام زاویوں سے جائزہ لے رہے ہیں دفتر خارجہ ترجمان کا کہنا تھا کہ پاکستان کے جوہری و میزائل پروگرام پر کسی سے گفتگو نہیں ہو رہی کسی بھی حکومت یا مالیاتی فورم پر میزائل یا جوہری پروگرام ایجنڈے کا حصہ نہیں ہے