لیبیا کی سائٹ سے اڑھائی ٹن یورینیم غائب،عالمی جوہری توانائی ایجنسی

عالمی جوہری توانائی ایجنسی نے لیبیاسائٹ کے انسپکشن کے بعد انکشاف کیا ہے کہ لیبیا کی سائٹ سے ڈھائی ٹن یورینیم غائب ہوگیا ہے۔ بیان کے مطابق سابقہ حکومت نے ڈھائی ٹن قدرتی یورینیم کے 10 ڈرم ڈیکلیئر کیے تھے،جو اب مقررہ مقام موجود نہیں ہیں،ایجنسی مذکورہ مقام سے یورینیم ہٹائے جانے کی مزید تحقیقات کررہی ہے ایجنسی کے جاری کردہ بیان کے مطابق جوہری مواد سے متعلق معلومات نہ ہونا ریڈیالوجیکل رسک اور جوہری سکیورٹی خدشات کا باعث بن سکتا ہے، جبکہ مذکورہ مقام تک پہنچنے کے لیے پیچیدہ لوجسٹکس کی ضرورت ہے۔ میڈیارپورٹس کے مطابق دوہزار تین میں لیبیا کے معمر قذافی نے جوہری اسلحہ پروگرام ترک کرنے کا اعلان کیا تھا رپورٹس کے مطابق یورینیم سائٹ حکومت کے کنٹرول میں نہیں تھی۔