بولان دھماکہ،بلوچستان کانسٹیبلری کے نو اہلکار شہید،چھ زخمی |
|
پیر 06 مارچ 2023ء | |
پولیس کے مطابق کوئٹہ سبی شاہراہ پر کمبڑی پل کےمقام پردھماکےمیں بلوچستان کانسٹیبلری کونشانہ بنایا گیا،پولیس حکام کےمطابق دھماکہ خودکش ہوسکتاہے۔ واقعےکی اطلاع ملتے ہی انتظامیہ اورسیکیورٹی فورسزموقع پر پہنچ گئیں۔ دھماکے میں شہید ہونے والے اور زخمی اہلکاروں کو سبی منتقل کیا گیا جہاں انہیں طبی امداد فراہم کی گئی۔ بعض زخمیوں کی حالت نازک ہے جس کے باعث ہلاکتوں میں اضافے کا خدشہ ہے۔ کوئٹہ اور سبی کے ہسپتالوں میں ایمرجنسی نافذ کردی گئی ہے۔ بلوچستان کانسٹیبلری کے اہلکار سبی میلے میں فرائض کی انجام دہی کے بعد واپس آرہے تھے کہ رستے میں دہشت گردی کا نشانہ بن گئے دھماکے کی شدت اتنی زیادہ تھی کہ ٹرک الٹ گیا اور اہلکار اس کے نیچے دب گئے |