سعودی عرب پاکستان میں سو ملین ڈالر کی سرمایہ کاری کرے گا |
|
پیر 06 مارچ 2023ء | |
تفصیلات کے مطابق سعودی شہزادے فہد بن منصور السعود نے سعودیہ پاکستان ٹیک ہاؤس کو اسلام آباد میں قائم کرنے کا اعلان کیا جس کے تحت دونوں ممالک کے باہمی انفارمیشن ٹیکنالوجی کے شعبوں میں قائم کی جانے والی کمپنیوں سے تجارت کو فروغ ملے گا،شہزادہ فہد اس کے ساتھ ساتھ ILSA Interactive کے شریک بانی بھی ہیں جسے دوہزار نو میں پاکستان کی کاروباری شخصیت سلمان ناصر نے قائم کیا تھا جس کے لاہور کے علاوہ ریاض میں بھی آفیسز موجود ہیں۔شہزادہ فہد نے امسال جنوری میں ہی اعلان کیا تھا کہ انکی کمپنی ہزار سے زائد افراد کیلئے روزگار کے مواقع فراہم کرے گی اور اس سلسلے میں تین سو سے زائد منصوبوں کو ترجیحی بنیادوں پر قائم کیا جائیگا جنکی مالیت سوملین ڈالر ہوگی۔ واضح رہے سعودی عرب نے ہمیشہ ہی پاکستان کا ہر کٹھن وقت میں ساتھ دیا ہے دونوں ممالک کی بے مثال دوستی کا سفر کئی دہائیوں پر مشتمل ہے پاکستان کی موجودہ کمزور معاشی صورتحال میں سوملین ڈالر کی سرمایہ کاری ملک کیلئے ایک مثبت قدم ثابت ہو گی |