ترکیہ اور شام زلزلہ متاثرین کی امداد،پاک بحریہ کا جہاز نصر امدادی سامان لیکر روانہ

مسلح افواج اور این ڈی ایم اے ترکیہ اور شام کے زلزلہ متاثرین کیلئے امدادی کارروائیاں جاری رکھے ہوئے ہیں ، این ڈی ایم اے کے اشتراک سے *پاک بحریہ کا جہاز ”نصر“* ایک ہزار ٹن سے زائد پر امدادی سامان لے کر *کے پی ٹی کراچی* سے ترکیہ روانہ ہوگیا ، امدادی جہاز کی روانگی کے موقع پر ترکیہ کے قونصل جنرل جمال سنگو اور پاک بحریہ کی اعلیٰ قیادت بھی موجود تھی ، دونوں متاثرہ ممالک کیلئے بھیجے گئے امدادی سامان میں سرد موسم سے بچاؤ کیلئے خیمے، کمبل ، خشک راشن، ادویات، ملبوسات اور بڑی مقدار میں جینیریٹرز شامل ہیں، پاک بحریہ کا ”نصر جہاز“ امدادی کھیپ لے کر چودہ روز کے بحری سفر کے بعد اپنی مقررہ منازل طے کریگا، افواج پاکستان اور این ڈی ایم اے کی مشترکہ کاوشوں کی ترکیہ اور شام کی عوام معترف رہی ہیں ، جس کا اندازہ بین الاقوامی میڈیا کی پذیرائی سے لگایا جا سکتا ہے، ترکیہ اور شام کے زلزلہ متاثرین کیلئے افواج پاکستان اور این ڈی ایم اے کی امدادی کاوشیں مکمل بحالی تک جاری رہیں گی،،