بھارتی جھوٹ بے نقاب،ای یو ڈس انفولیب نے اے این آئی کے پروپیگنڈے کا بھانڈہ پھوڑ دیا

ای یو ڈس انفو لیب نے مسلسل تیسری بار تہلکہ خیز انکشافات کر کے بھارتی نیوز ایجنسی اے این آئی کے جھوٹے اور بے بنیاد بیانئے کو بے نقاب کیا اور ثابت کیا کہ اے این آئی اِن تمام جعلی نیٹ ورکس کو 15سال سے دہلی سری واستا گروپ کے ذریعے چلارہا ہے، جو جعلی این جی اوز ، تھنک ٹینکس اور جعلی میڈیا ہاؤسز کے ذریعے اقوام متحدہ اور یو این ایچ سی آر میں مختلف پاکستان مخالف تقریبات اور مظاہرے منعقد کراتا ہے ، اور پاکستان کی ساکھ متاثر کرنے کیلئے پاکستان مخالف بیانیے کو ای یو کرونیکل سمیت دیگر جعلی میڈیا کے ذریعے شائع کرتا ہے ، بعدازاں پاکستان مخالف بیانیے کو ہندوستان کی نیوز ایجنسی اے این آئی کے ذریعے دیگر تمام جعلی میڈیا ”سچی کہانی “ کے طور سوشل میڈیا اور مین سٹیم میڈیا پر وائرل کیا جاتا ہے، پھر اْن افراد کا کانفرنسز، تجزیوں اور آرٹیکلز میں حوالہ دیتا ہے جنکا حقیقت میں وجود ہی نہیں، رپورٹ کیمطابق ان نا معلوم مصنفین کو دو ہزار سولہ سے لیکر دوہزار تئیس ء تک انیس جعلی کانفرنسز، دو سوسے زائد تجزئیے اور پانچ سو سے زائد آرٹیکلز کے حوالہ کے طور پر استعمال کیا گیا، جس میں نام نہاد ساؤتھ ایشئین ڈیموکریٹک فورم کا بار بار حوالہ دیا گیا ہے ، اے این آئی کی یہ پروپیگنڈہ مہم آزادی صحافت بارے میونخ چارٹر کی واضح خلاف ورزی ہے ، ایسے میں یہ سوال پیدا ہوتا ہے کہ دْنیا کی سب سے بڑی جمہوریت کی دعویدار ہندوستانی ریاست اس قسم کی نیوز ایجنسیز کی پشت پناہی کیوں کر رہی ہیں جسکا مقصد ہی جھوٹا بیانیہ بنانا ہے ؟ آخر ہندوستان کب تک پاکستان کے خلاف اس طرح کے اوچھے ہتھکنڈے استعمال کرتا رہے گا؟ کیا بھارت کے اس مکروہ چہرے پر بین الاقوامی میڈیا کو آواز نہیں اْٹھانی چاہئے ؟