نیب ترمیم سے کیسز کا خاتمہ،سپریم کورٹ نے ریکارڈ طلب کر لیا

چیف جسٹس کی سربراہی میں تین رکنی بینچ نے کرپشن کیس میں ملزم کی ضمانت منسوخی کی نیب کی درخواست پر سماعت کی، عدالت نے کہا نیب ترامیم کے بعد کون کون سے مقدمات متعلقہ فورم پر بھیجے گئے؟ ریکارڈ پیش کریں، چیف جسٹس نے ریمارکس دیے نیب ترامیم کی وجہ سے کوئی بری نہیں ہورہا بلکہ کیسز منتقل ہورہے ہیں، نیب ترامیم سپریم کورٹ میں چیلنج ہیں ابھی عدالت نے فیصلہ کرنا ہے، نیب ان مقدمات کے ساتھ کیا کررہا ہے جو ترامیم کی وجہ سے احتساب عدالتوں سے واپس آرہے ہیں ؟ پچھلے چھ ماہ کا ریکارڈ دیں کون کون سے نیب مقدمات دوسرے فورم پر بھیجے گئے،عدالت نے نیب ترامیم کی وجہ سے ختم ہونے والے نیب کیسز کا ریکارڈ طلب کرلیا اور کیس کی سماعت ملتوی کردی۔