موسم کی خرابی متحدہ عرب امارات کے صدر کا دورہ اسلام آباد منسوخ

تفصیلات کے مطابق متحدہ عرب امارات کے صدر شیخ محمد زید النہیان نے اسلام آباد کا ایک روزہ دورہ کرنا تھا اور صبح ساڑھے سات بجے سے بہاولپور سے ٹیک آف کے منتظر تھے تاہم موسم کی خرابی کے باعث انکے جہاز کو اڑان بھرنے کی اجازت نہیں مل سکی جس کے باعث دورہ اسلام آباد منسوخ کر دیا گیا،انکے دورہ اسلام آباد کی نئی تاریخوں کا اعلان جلد کر دیا جائے گا متحدہ عرب امارات کے صدر نے وزیر اعظم شہباز شریف سے رابطہ کر کے دورے کی منسوخی پر افسوس کرتے ہوئے جلد دورے کی یقین دہانی کرائی واضح رہے کہ متحدہ عرب امارات کے صدر کے دورے پروفاقی دارالحکومت میں چھٹی کا اعلان کیا گیا تھا،اماراتی صدر کو جے ایف تھنڈر طیاروں کے حفاظتی حصار میں پی اے ایف نور خان ائر بیس پہنچنا تھا جہاں انہیں اکیس توپوں کی سلامی دی جانی تھی۔ شیخ محمد بن زید ال نہیان پچیس جنوری کو نجی دورے پر پاکستان پہنچے تھے , وزیراعظم محمد شہباز شریف نے رحیم یار خان کے ہوائی اڈے پران کا استقبال کیا تھا۔