پنجاب فوڈ اتھارٹی کی کارروائی،ایک ہزار پانچ سو کلو گرام سے زائد ملاوٹی چائے کی پتی برآمد

پنجاب فوڈ اتھارٹی حکام کے مطابق خفیہ اطلاعات ملنے پر ڈپٹی ڈائریکٹر پنجاب فوڈ اتھارٹی راولپنڈی کی سربراہی میں کارروائی کی گئی ہے۔فیکٹری میں معروف برانڈز کی چائے کو جعلی میٹریل میں مکس کیا جا رہا تھا۔ مضر صحت چائے کو جعلی پیکنگ میں مارکیٹ میں فروخت کیا جاتا تھا۔ جعل سازی پر فیکٹری مالک کیخلاف تھانہ نصیر آباد میں مقدمہ درج کروایا گیا ہے۔چائے کے نمونوں کو مزید تجزیے کیلئے فوڈ لیب بھجوایا گیا ہے۔