کراچی،ضلعی ریٹرننگ آفس کے باہر پی ٹی آئی اور پیپلز پارٹی کارکنوں میں تصادم،متعدد زخمی

پیپلزپارٹی اور پی ٹی آئی کے امیدواروں نے کارکنان کے ساتھ کیماڑی کے ڈی آر او آفس پر دھرنا دیا جن کا مطالبہ تھا کہ ہمیں فارم گیارہ اور بارہ دیے جائیں، پی ٹی آئی مظاہرین کا الزام ہے کہ الیکشن کمیشن پیپلزپارٹی کے ساتھ ملکر نتائج تبدیل کررہا ہے۔ پی ٹی آئی سندھ کے صدر علی زیدی کراچی کے صدر بلال غفار کے ہمراہ کیماڑی ڈی آر او آفس پہنچے، اس دوران پیپلزپارٹی اور پی ٹی آئی کارکنان نے ایک دوسرے کے خلاف شدید نعرے بازی کی اور پھر دونوں جانب سے لاٹھیوں، ڈنڈوں، لاتوں اور مکوں کا آزادانہ استعمال کیا گیا مشتعل مظاہرین نے ڈی آر او آفس پر پتھراؤ کیا جس کی وجہ سےدفتر کے شیشے اور دروازے کو بھی نقصان پہنچا۔ دونوں جماعتوں کے کارکنان نے پتھراؤ بھی کیے جس کے نتیجے میں متعدد افراد زخمی بھی ہوئے، پی ٹی آئی کارکنان نے اپنے رہنماؤں کو حصار میں لے کر محفوظ مقام پر منتقل کیا