مسلم لیگ نواز نگران وزیر اعلیٰ پنجاب کےلئے احد چیمہ اور محسن نقوی کے نام دے دیئے

تفصیلات کے مطابق پنجاب اسمبلی کے قائد حزب اختلاف حمزہ شہباز شریف نے پنجاب میں نگران وزیر اعلیٰ کےلئے سابق بیوروکریٹ احد چیمہ اور سید محسن رضا نقوی کے نام تجویز کر دیئے ہیں،اپوزیشن لیڈر نے وزیر اعلیٰ چوہدری پرویز الہیٰ کی طرف سے بھجوائے گئے نام مسترد کرتے ہوئے نئے نام گورنر پنجاب کو تجویز کئے ہیں جو چوہدری پرویز الہیٰ کو بھجوائے جائیں گے واضح رہے کہ اگر چوہدری پرویز الہیٰ اور حمزہ شہباز کے ناموں میں سے کسی پر اتفاق نہ ہو سکا تو معاملہ پارلیمانی کمیٹی کے پاس چلا جائے گا۔ اپوزیشن لیڈر کہ طرف سے لکھے گئے خط میں واضح کیا گیا ہے کہ انکے بیرون ملک ہونے کے باعث ملک احمد خان مشاورت کےلئے انکی نمائندگی کریں گے