سندھ بلدیاتی انتخابات،حیدر آباد ڈویژن میں پیپلز پارٹی پہلے،پی ٹی آئی دوسرے اور جماعت اسلامی تیسرے نمبر پر موجود

تفصیلات کے مطابق سندھ بلدیاتی انتخابات کے دوسرے مرحلے میں حیدرآباد ڈویژن میں پاکستان پیپلز پارٹی پہلے نمبر پر ہے جبکہ چوراسی نشستوں کے ساتھ تحریک انصاف کا دوسرا اور چالیس نشستوں کے ساتھ پانچواں نمبر ہے،جی ڈی اے نے گیارہ نشستیں جیتی ہیں،سندھ یونائیٹڈ پارٹی آٹھ اور جے یو آئی چھ نشستیں لینے میں کامیاب ہوئی ہے ڈسٹرکٹ کونسل مٹیاری میں پیپلزپارٹی کے 8 ضلع ممبر اور 6 چیئرمین کامیاب قرار پائے، بدین میں پیپلزپارٹی کے 21 ضلع ممبر اور 15چیئرمین جبکہ ڈسٹرکٹ کونسل دادو میں پیپلزپارٹی کے 16ضلع ممبر اور 18چیئرمین منتخب چکے ہیں۔ دادو میں پی ٹی آئی کے 2 ضلع ممبر اور ایک چیئرمین کامیاب قرار پایا ، جامشورو میں پیپلزپارٹی نے 9 ضلع ممبر اور 12 چیئرمین کی نشستیں حاصل کر لیں۔ سجاول میں پیپلزپارٹی کے 35ضلع ممبر،32چیئرمین کامیاب قرار پائے جبکہ ضلع ممبراور چیئرمین کی نشست پر4آزاد امیدوار بھی جیت سے ہمکنار ہوئے۔ ٹنڈوالہ یار میں پیپلزپارٹی کے15ضلع ممبر اور 8 چیئرمین کا میاب ہوئےجب کہ ٹنڈو محمد خان میں پیپلزپارٹی کے17ضلع ممبر اور 17چیئرمین جیت گئے۔ ٹھٹھہ میں پیپلزپارٹی کے 34 ضلع ممبر اور 32چیئرمین کامیاب ہوئے تو ضلع ممبر اور چیئرمین کی نشست پر 4 آزاد امیدوار نشستیں لے اڑے