میانوالی کو ڈویژن بنانے کا معاملہ،الیکشن کمیشن نے نوٹیفیکشن جاری کرنے سے روک دیا |
|
اتوار 15 جنوری 2023ء | |
الیکشن کمیشن کی طرف سے پنجاب حکومت کو لکھے گئے مراسلے میں کہا گیا ہے کہ پنجاب میں بلدیاتی انتخابات کیلئے حلقہ بندی کا عمل جاری ہے، حلقہ بندیوں کے باعث اضلاع اور تحصیلوں کی حدبندی منجمد ہے، مراسلے میں کہا گیا ہے کہ میانوالی کو ڈویژن کا درجہ دینے کا صوبائی حکومت کا فیصلہ الیکشن کمیشن احکامات کی خلاف ورزی ہے، الیکشن کمیشن نے مراسلے میں پنجاب حکومت کو ہدایت کی ہے کہ بھکر، میانوالی اور تلہ گنگ پر مشتمل ڈویژن کے قیام کا نوٹیفکیشن جاری نہ کیا جائے،الیکشن کمیشن کی جانب سے مراسلہ چیف سیکرٹری پنجاب کو بھجوا دیا گیا |