پاکستان نے متحدہ عرب امارات کے بینکوں کو قرض ادا کردیا

وزارت خزانہ کے ذرائع کے مطابق پاکستان نے متحدہ عرب امارات کے دوبینکوں ایمرٹس بینک کو ساٹھ کروڑ ڈالر اور دبئی اسلامک کو بیالیس کروڑ ڈالر کا قرض واپس کردیا ہے، ذرائع کے مطابق دوبینکوں کو قرض کی ادائیگی سے ملکی زرمبادلہ کے ذخائر میں ایک ارب دو کروڑ ڈالر سے زائد کی کمی ہوئی ہے، وزارت خزانہ کے ذرائع کا کہنا ہے کہ زرمبادلہ کے ذخائر میں کمی کے بعد جنیوا میں ہونے والی ڈونرز میں غیر ملکی امداد کی توقع کی جا رہی ہے،ذرائع کا کہنا ہے کہ توقع ہے کہ ڈونرز کانفرنس میں پاکستان سیلاب متاثرین کی بحالی کےلئے ڈیڑھ ارب ڈالر سے زائد اکھٹا کرنے میں کامیاب ہوسکے گا وزارت خزانہ کے ذرائع کے مطابق دوسری طرف سعودی عرب اور چین سے تین تین ارب ڈالر کے حصول کےلئے بھی مذاکرات جاری ہیں جن میں جلد پیش رفت کا امکان ہے اور دیگر دوست ممالک سے بھی فنڈز ملنے کی توقع ہے،جبکہ آئی ایم ایف اور پاکستان کے درمیان جلد مذاکرات متوقع ہیں