تحریک انصاف کی چیئرمین شپ سے ہٹانے کا معاملہ،عمران خان نے الیکشن کمیشن کا نوٹس چیلنج کر دیا |
|
بدھ 04 جنوری 2023ء | |
چیئرمین پاکستان تحریک انصاف عمران خان کی طرف سے دائردرخواست میں مؤقف اختیار کیا گیا ہے کہ این اے 95 سے نااہلی کے بعد پارٹی چیئرمین شپ سے ہٹانےکی کارروائی شروع کی ، الیکشن کمیشن نےمبینہ طور پر غلط بیان جمع کرانے پر نوٹس جاری کیا، الیکشن کمیشن دائرہ اختیار سے تجاوز کیا،کمیشن الیکشن ٹربیونل کا اختیار استعمال نہیں کر سکتا۔ عمران خان کی جانب سے دائر درخواست میں کہا گیا ہے کہ عمران خان کو نااہل کرنابلاجوازاورغیر قانونی ہے، عمران خان کوسیاست سے دور رکھنے کے لیے نوٹس جاری کیا گیا۔ درخواست میں مؤقف اختیار کیا گیا ہے کہ آرٹیکل 62 ون ایف کے تحت عمران خان کو کہیں بھی جھوٹا قرار نہیں دیا گیا، الیکشن کمیشن کا نوٹس کالعدم قرار دیا جائے۔ |