مارکیٹیں ساڑھے آٹھ اور شادی ہال دس بجے بند ہونگے،وفاقی کابینہ

وفاقی کابینہ کے اجلاس کے بعدنیوز کانفرنس سے خطاب کرتے ہوئے وزیر دفاع خواجہ آصف کا کہنا تھا کہ سرکاری اداروں میں بجلی کے استعمال میں تیس فیصد کمی کریں گے جس سےسالانہ 62 ارب روپے کی بچت ہوگی۔ وزیر دفاع کا کہنا تھا کہ ساری دنیا میں دفاتر مارکیٹیں جلد بند ہوتی ہیں لیکن پاکستان میں ایسا معمول نہیں، مارکیٹیں ،ریسٹورینٹس رات دو بجے تک کھلے رہتے ہیں، دفاتر کی بھی یہی صورتحال ہے، ہمیں اپنا طرز زندگی بدلنے کی ضرورت ہے، خواجہ آصف کا کہنا تھا کہ یکم جولائی کے بعد بجلی سے چلنے والے پنکھے تیار نہیں کیے جائیں گے، ہم گرمیوں میں 29 ہزار میگا واٹ بجلی استعمال کرتے ہیں،جو موسم سرما کی ڈیمانڈ سے سترہ ہزار میگواٹ زائد ہے، سردیوں میں ہم 12 ہزار میگاواٹ بجلی استعمال کرتے ہیں، گرمی سے بچنے کے لیے ہم جو اضافی بجلی استعمال کرتے ہیں ان میں سےصرف پنکھے 12 ہزار میگاواٹ بجلی استعمال کرتے ہیں، پروگرام بنا رہے ہیں کہ بجلی کا استعمال نیچے لائیں۔ خواجہ آصف کا کہنا تھاکہ یکم فروری سے فلیمنٹ والے بلب تیار نہیں ہوں گے جو بجلی زیادہ لیتے ہیں، اس سے 22 ارب روپے کی بچت ہوگی جب کہ تمام سرکاری ادارے بجلی کی بچت کےلیےاچھی کارکردگی کے حامل آلات لا استعمال کریں گے، غیر مؤثر آلات پر پابندی عائد کردی گئی ہے۔