کورونا کا پھیلاؤ روکنے کا مشن ،ایئر پورٹس پر دوبارہ سکریننگ شروع کرنے کا فیصلہ |
|
جمعرات 29 دسمبر 2022ء | |
بعض ممالک میں کرونا وائرس کی نئی اقسام سامنے آنے کا معاملہ،بارڈر ہیلتھ سروسز نے کرونا کا پھیلاؤ روکنے کیلیے سول ایوی ایشن اتھارٹی کومرا سلہ جاری کردیا بارڈر ہیلتھ سروسز پاکستان کے مراسلے میں سول ایوی ایشن کو ہدایت کی گئی ہے کہ تمام ملکی ایئرپورٹ پرمسافروں کی اسکریننگ کا عمل سخت کیا جائے،بیرون ملک سے آنے والے مشتبہ شخص کی فوری طور پر اسکریننگ کی جائے، مراسلے میں ہدایت کی گئی ہے کہ انٹرنیشنل لاؤنج میں فیومیگیشن کا خاص خیال رکھا جائے ،ہیلتھ ورکر،ماسک، دستانوں سمیت حفاظتی سامان کا استعمال کریں،جبکہ ان باؤنڈ پروازوں پر رینڈم سیمپلنگ کی جائے، مراسلے مطابق مسافروں کی جانب سے بعض اوقات مزاحمت بھی کی جاتی یے جس سے نمٹنے کےلئے ہیلتھ عملے کے ساتھ اے ایس ایف کو بھی تعینات کیا جائے، |