بھارت مین چوروں نے سرنگ کھود کر سٹیٹ بینک سے ایک کلو سونا چرا لیا

بھارتی سٹیٹ بینک میں انوکھی واردات،چوروں نے سرنگ کھود کر ایک کروڑ بھارتی روپے مالیت کا سونا چرا لیا بھارتی میڈیا کے مطابق کانپور میں اسٹیٹ بینک آف انڈیا میں چوری کی ایسی انوکھی واردات کی گئی ،جس میں جمعرات اور جمعے کی درمیانی شپ چوروں نے سرنگ کھود کر اسٹیٹ بینک آف انڈیا کے لاکرز سے ایک کلو گرام سونا چرا لیا لیکن چوروں نے 35 لاکھ روپے کے کرنسی نوٹوں کو ہاتھ تک نہ لگایا۔ میڈیا رپورٹس کے مطابق صبح بینک کا عملہ دروازے کھول کر اندر داخل ہوا تو لاکرز کھلے تھے، عملے کی جانب سے فوری طور پر پولیس کو واقعے کی اطلاع دی گئی،لیکن فوری طور پر چوروں کا پتہ نہیں لگایا جا سکا پولیس نے سراغ رساں کتوں کی مدد سے تحقیقات کا آغاز کیا تو سرنگ کھود کر چوری کرنے کا انکشاف ہوا۔ پولیس حکام کا کہنا ہے کہ واقعے کا مقدمہ درج کر کے معاملے کی تحقیقات کا آغاز کر دیا گیا ہے۔