سینیٹر اعظم سواتی کی درخواست ضمانت عدالت نے خارج کردی

اسلام آباد سپیشل جج سنٹرل نے سینیٹر اعظم سواتی کی درخواست ضمانت خارج کردی سینیٹر اعظم سواتی کے متنازعہ ٹویٹ اور انکی درخواست ضمانت کے حوالے سے کیس کی سماعت سپیشل جج سنٹرل نے کی،سماعت کے دوران اسپیشل پراسیکیوٹر رضوان عباسی نے عدالت میں ٹوئٹر پر اکاؤنٹ ویری فکیشن کا طریقہ کار بتایا۔ پراسیکیوٹر نے کہا کہ اعظم سواتی کے اکاؤنٹ پر بلیو ٹک ہے اور انہیں مشہور شخصیات اور صحافتی شخصیات نے فالو کر رکھا ہے اور نہ ہی اعظم سواتی نے اپنے ٹوئٹر اکائونٹ سے انکار کیا ہے،دورانِ سماعت پراسیکیوٹر رضوان عباسی نے اعظم سواتی کی ضمانت مخالفت کی۔ اعظم سواتی کے وکیل سہیل خان سواتی نے حتمی دلائل دیتے ہوئے کہا کہ ٹوئٹس کے اسکرین شاٹس پر سائبر کرائم کا مقدمہ نہیں بنتا اور کیس اسی بنیاد پر بنایا گیا ہے۔ عدالت نے دونوں اطراف کے دلائل سننے کے بعد سینیٹر اعظم سواتی کی درخواست ضمانت مسترد کر دی،عدالت نے اپنے فیصلے میں کہا کہ اعظم سواتی نے ایک ہی جرم دوبار کیا لہٰذا ان کی درخواست ضمانت خارج کی جاتی ہے۔