نارروال سپورٹس سٹی ریفرنس، احسن اقبال کی بریت کا فیصلہ جاری

نارووال اسپورٹس سٹی ریفرنس میں اسلام آباد ہائی کورٹ نے وفاقی وزیر احسن اقبال کی بریت کا فیصلہ جاری کر دیا ۔ اسلام آباد ہائی کورٹ نے نارروال اسپورٹس سٹی ریفرنس کے فیصلہ میں ریمارکس دیئے کہ احسن اقبال کے خلاف اختیار کے غلط استعمال کا کیس بنانا قومی احتساب بیورو (نیب) کا اختیار سے تجاوز قرار دے دیا۔ اسلام آباد ہائیکورٹ کے فیصلے کے مطابق احسن اقبال پر کرپشن کا کوئی الزام موجودنہیں تھا ،وہ کسی کرپشن میں ملوث نہیں تھے۔ اسلام آباد ہائی کورٹ نے فیصلے میں کہا گیا ہے کہ نیب احسن اقبال کو قید میں رکھنے کا کوئی جواز نہیں بتا سکا اور نہ ہی ایسا کوئی مواد تھا جو احسن اقبال کی گرفتاری کا جواز ہوسکتا۔ کرپشن کا سیدھا تعلق فراڈ، رشوت اور دھوکہ دہی سے ہے،فیصلے میں کہا گیا کہ اختیار کا غلط استعمال کتنا ہی سنگین کیوں نہ ہو وہ کرپشن میں نہیں آتا اختیار کے غلط استعمال سے ذاتی یا دوسرے کے لیے فائدہ لینے کے شواہد بھی لازم ہیں۔