سندھ ہائیکورٹ نے مزید کیسز میں سینیٹر اعظم سواتی کی گرفتاری روک دی

سندھ ہائیکورٹ نے اعظم سواتی کو مزید مقدمات میں گرفتار کرنے سے روک دیا۔ تفصیلات کے مطابق اعظم سواتی کے بیٹے عثمان سواتی سندھ ہائی کورٹ میں گرفتاری کے خلاف درخواست دائر کی تھی جس کی فوری سماعت کی استدعا کی گئی ،سندھ ہائیکورٹ نے درخواست کو سماعت کےلئے منظور کیا اور جسٹس کے کے آغا کی سربراہی میں دو رکنی بنچ نے اعظم سواتی کی گرفتاری کے حوالے سے کیس کی سماعت کی،مختصر سماعت کے بعد بنچ نے اعظم سواتی کو مزید مقدمات میں گرفتار کرنے سے روک دیا سندھ ہائیکورٹ کے دو رکنی بنچ نےعثمان سواتی کی دونوں درخواستوں کو یکجا کرنے کی ہدایت کرتے ہوئے آئی جی سندھ اور پراسیکیوٹر جنرل سندھ کو نوٹسز جاری کرتے ہوئے چودہ دسمبر تک جواب طلب کر لیا۔ پی ٹی آئی رہنما اعظم سواتی متنازع ٹوئٹ کے کیس میں گرفتار ہیں جنہیں گزشتہ ہفتے سندھ پولیس نے گرفتار کیا اور انہیں بلوچستان سے سکھر منتقل کیا گیا،بلوچستان ہائی کورٹ بھی اعظم سواتی کے خلاف مزید کیسز کے اندراج کو روکنے کے حوالے سے فیصلہ دے چکی ہے