حکومت اور پی ٹی آئی مذاکرات،کردار ادا کرنے کےلئے سب نظریں صدر مملکت عارف علوی پر

حکمران اتحاد اور پاکستان تحریک انصاف کے درمیان سیاسی جنگ عروج پر ہے اور اس حوالے سے دونوں اطراف سے تنائو میں کمی لانے کےلئے مذاکرات کا سلسلہ بھی جاری ہے جن میں ایوان صدر کو مرکزی حیثیت حاصل ہے،حکومت کی طرف سے وزیرخزانہ اسحق ڈار صدر مملکت سے اس حوالے سے تین ملاقاتیں کر چکے ہیں جن میں ملک میں سیاسی اور معاشی استحکام کے حوالے سے تبادلہ خیال کیا گیا ہے اب پی ٹی آئی نے بھی اپنا نمائندہ صدر مملکت کے پاس بھجوانے کا فیصلہ کیا ہے اور ذرائع کا کہنا ہے کہ سابق وفاقی وزیر شبلی فراز آئندہ چوبیس سے اڑتالیس گھنٹے میں صدر مملکت سے ملاقات کریں گے جس میں پاکستان تحریک انصاف کے نقطہ نظر کو صدر مملکت کے سامنے رکھا جائے گا،جس میں ملک میں جلد ازجلد انتخابات کا مطالبہ بھی شامل ہے