سابق صدر آصف زرداری کی چوہدری شجاعت حسین سے ملاقات،سیاسی صورتحال پر مشاورت

سابق صدر آصف علی زرداری کی سابق وزیراعظم چوہدری شجاعت حسین سے ملاقات،سیاسی صورتحال پر تبادلہ خیال ذرائع کے مطابق سابق صدر آصف علی زرداری نے چوہدری شجاعت حسین سے انکی رہائشگاہ پر ملاقات کی اور سیاسی صورتحال بالخصوص پنجاب اسمبلی کے حوالے سے بات چیت کی گئی،ذرائع کے مطابق سابق صدر نے چوہدری شجاعت حسین کو مسلم لیگ ن کے قائد نواز شریف اور پی ڈی ایم کے سربراہ مولانا فضل الرحمن کے موقف کے حوالے سے آگاہ کیا اور پنجاب اسمبلی کو بچانے کے حوالے سے متفقہ حکمت عملی بنانے کے امور پر بات چیت کی،ملاقات وفاقی وزیر طارق بشیر چیمہ اور پیپلز پارٹی کی رہنماء رخسانہ بنگش بھی موجود تھیں واضح رہے پی ٹی آئی کے چیئرمین عمران خان کی طرف سے پنجاب اور کے پی اسمبلیاں رواں ماہ ہی تحلیل کرنے کے اعلان کے بعد حکمراں اتحاد میں شامل جماعتوں کے سربراہان دونوں اسمبلیوں کو تحلیل سے بچانے کے لئے متحرک نظر آرہے ہیں