نیب نے سابق وزیراعظم شاہد خاقان عباسی کے خلاف ایل این جی ریفرنس واپس لے لیا |
|
| منگل 30 اپریل 2024ء | |
 |
|
قومی احتساب بیورو نے سابق وزیراعظم شاہد خاقان عباسی کے خلاف ایل این جی ریفرنس واپس لے لیا ہے۔ احتساب عدالت کے جج ناصر جاوید رانا نے سابق وزیر اعظم شاہد خاقان عباسی اور دیگر کیخلاف ایل این جی ریفرنس کی سماعت کی۔ دوران سماعت شاہد خاقان عباسی اپنے وکلا کے ہمراہ عدالت میں پیش ہوئے۔ نیب پراسیکیوٹر اظہر مقبول کی جانب سے ریفرنس واپس لیے جانے کی درخواست عدالت میں دائر کی گئی اور موقف اپنایا کہ نیب شاہد خاقان عباسی کیخلاف ریفرنس واپس لے رہا ہے۔ عدالت نے نیب کی ریفرنس واپس لینے کی درخواست منظور کرلی۔ واضح رہے نیب نے اسی کیس میں 2019 میں شاہد خاقان عباسی کو گرفتار کیا تھا اور نیب نے ریفرنس میں قومی خزانے کو 21 ارب روپے کا نقصان پہنچانے کا دعویٰ کیا تھا۔ |
