سوئیڈن کے سفیر پاکستان میں نئی سرمایہ کاری لانے کے حوالے سے پر امید |
|
منگل 23 اپریل 2024ء | |
سوئیڈن کے سفیر ہنرک پرسن نے توقع ظاہر کی ہے کہ سویڈن اور پاکستان کے درمیان دوطرفہ تعاون کے معاہدے ہونگے اور سویڈش کمپنیاں پاکستان میں سرمایہ کاری کریں گی کراچی میں اسٹاک منعقدہ تقریب سے خطاب کے دوران سویڈش سفیر ہنرک پرسن نے کہا کہ سویڈش کمپنیاں سرمایہ کاری کےلئے مجھ سے پاکستان کے سیکیورٹی معاملات اور صورتحال کے حوالے سے سوال کرتی ہے جبکہ میں انہیں سمجھاتا ہوں بلوچستان کہاں ہے، کراچی کہاں اور لاہور کہاں ہے۔ سویڈش سفیر کا کہنا تھا کہ توقع ہے پاکستان اور سوئیڈن کے مابین مشترکہ معاہدے ہوں گے، سوئیڈش کمپنیاں پاکستان میں نئی سرمایہ کاری کے لیے آئیں گی،پاکستان کا ٹیکسٹائل سیکٹر اچھا شعبہ ہے، ایس ای سی پی بہترین ریگولیٹر کا کام کر رہا ہے، بغیر لکویڈٹی کے کوئی بھی مارکیٹ مارکیٹ نہیں رہتی، ای ٹی ایف مارکیٹ میں نئی لکویڈٹی کا باعث بنیں گے۔ انہوں نے کہا کہ ای ٹی ایف دیگر سرمایہ کاری کے مقابلے کم چارجز پر ہیں، اسٹاک مارکیٹ میں آئی پی اوز پہلی ترجیح ہوتے ہیں مگر ای ٹی ایف اہم کردار ادا کریں گے۔ سرمایہ کاروں کی رسائی بڑھانے کے لیے کراس پراڈکٹس ضروری ہیں، لوگوں کو سکھایا جائے کیسے اور کہاں سرمایہ کاری کرنی ہے، صرف شئیرز کی ٹریڈنگ پر توجہ نہ دی جائے |