عدلیہ میں مبینہ مداخلت کا معاملہ،سپریم کورٹ میں آئینی درخواست دائر

عدلیہ میں مبینہ مداخلت کا معاملہ، اسلام آباد ہائیکورٹ بار نے سپریم کورٹ سے رجوع کر لیا اسلام آباد ہائی کورٹ بار کی جانب سے ججز کے خط کی تحقیقات کیلئے آئینی درخواست سپریم کورٹ میں دائر کر دی گئی، درخواست میں موقف اختیار کیا گیا ہے کہ اسلام آباد ہائی کورٹ کے چھ ججز نے خط میں سنگین نوعیت کے واقعات بیان کیے، آزاد عدلیہ آئین کی بنیاد اور فراہمی انصاف کا واحد ذریعہ ہے، عدلیہ کی آزادی پر سمجھوتہ کسی صورت قابل قبول نہیں، درخواست میں استدعا کی گئی ہے کہ عدالت ہائی کورٹ ججز کے خط کی روشنی میں شفاف تحقیقات کرائے، شفاف تحقیقات کے بعد عدلیہ کو نیچا دکھانے کی کوشش کرنے والوں کے خلاف کارروائی کی جائے، معاملہ اگر سپریم جوڈیشل کونسل سے متعلقہ ہو تو عدالت کونسل کو جائزے کیلئے سفارشات بھیجے۔