ایران جانے والے مسافر کے سامان سے 45 پاسپورٹ بر آمد |
|
پیر 08 اپریل 2024ء | |
ایئر پورٹ سیکیورٹی فورس نے کراچی میں کارروائی کے دوران ایران کے مسافر سے 45 پاکستانی پاسپورٹ برآمد کر لیے۔ اے ایس ایف حکام کے مطابق مسافر محمد عدنان فلائی دبئی کی پرواز سے کراچی سے براستہ دبئی ایران جا رہا تھا، جناح ٹرمینل پر سامان کی اسکیننگ کے دوران اے ایس ایف کے عملے نے سامان میں موجود پاسپورٹس کی نشاندہی کی۔ پاسپورٹس کہ نشاندہی کے بعدسامان کی دستی تلاشی کے دوران بیگ سے 45 پاسپورٹس برآمد کیے گئے۔ جبکہ غیر متعلقہ افراد کے پاسپورٹس کی موجودگی کے حوالے سے مسافر کا مؤقف غیر تسلی بخش تھا۔ اے ایس ایف حکام نے ابتدائی تفتیش کے بعدمسافر اور برآمد شدہ پاسپورٹس کو اے ایس ایف نے ایف آئی اے کے حوالے کر دیا۔مسافر عدنان مختلف شہریوں کے پاسپورٹس غیر قانونی طور پر دبئی لے جا رہا تھا۔ |