اسد طور کے جسمانی ریمانڈ میں 3 دن کی توسیع ،ایف آئی اے کے حوالے |
|
| اتوار 03 مارچ 2024ء | |
 |
|
اسلام آباد کی مقامی عدالت نے اسد طور کو مزید 3 روز کے جسمانی ریمانڈ پر ایف آئی اے کی تحویل میں دے دیا۔ تفصیلات کے مطابق چیف جسٹس پاکستان کے خلاف سوشل میڈیا مہم چلانے کے کیس کی سماعت ڈیوٹی جج عباس شاہ نے کی اور ایف آئی اے کی جسمانی ریمانڈ کی استدعا منظور کی.سماعت کے آغاز میں ایف آئی اے نے اسد طور کے مزید 9 دن کے جسمانی ریمانڈ کی استدعا کی۔جبکہ اسد علی طور کے وکلاء نے مزید جسمانی ریمانڈ کی مخالفت کی۔ دورانِ سماعت اسد طور نے روسٹرم پر آ کر کہا کہ میں موبائل نہیں دوں گا، اور نہ ہی ذرائع نہیں بتاؤں گا، صحافی کے لیے ذرائع سب سے زیادہ عزیز ہوتے ہیں۔ اسد طور کا کہنا تھا کہ میں نے بھوک ہڑتال کی ہوئی ہے، مجھے سب کچھ دیتے ہیں لیکن میں خود کچھ نہیں کھانا چاہتا۔ تاہم کمرۂ عدالت میں موجود صحافی نے اسد طور کی بھوک ہڑتال ختم کرا دی |
