قرضوں اور بین الاقوامی فنانسنگ کے چکر سے نکلنے کےلئے پاکستانی کوششوں کی حمایت کرتے ہیں ،امریکہ

ترجمان امریکی محکمہ خارجہ میتھیو ملر نے کہا ہے کہ امریکا قرضوں کے چکر سے آزادی کے لیے پاکستان کی کوششوں کی حمایت کرتا ہے۔ واشنگٹن میں نیوز بریفنگ کے دوران میتھیو ملر کا کہنا تھا پاکستانی معیشت کی طویل مدتی صحت، اس کے استحکام کے لیے اہم ہے۔پاکستان کی نئی حکومت کو فوری طور پر معاشی صورتِ حال کو ترجیح دینا ہوگی۔ ترجمان امریکی محکمہ خارجہ کا کہنا تھا کہ آئندہ کئی ماہ کی پالیسیاں پاکستانیوں کے لیے معاشی استحکام کو برقرار رکھنے کے لیے انتہائی اہم ہیں میتھیو ملر کا کہنا تھا کہ امریکا پاکستان پر زور دیتا ہے کہ وہ آئی ایم ایف اور دیگر بین الاقوامی مالیاتی اداروں کے ساتھ میکرو اکنامک ریفارمز کے لیے کام جاری رکھے