عامر ڈوگر سپیکر قومی اسمبلی اور جنید خان ڈپٹی سپیکر کےلئے پی ٹی آئی کے امیدوار نامزد |
|
منگل 27 فروری 2024ء | |
پاکستان تحریک انصاف نےقومی اسمبلی میں عامر ڈوگر کو اسپیکر اور ڈپٹی اسپیکر کے لیے جنید خان کو امیدوار نامزد کر دیا راولپنڈی میں میڈیا سے گفتگو کے دوران سیکرٹری جنرل پی ٹی آئی عمر ایوب نے کہا کہ بانی پی ٹی آئی سے ملاقات ہوئی، وہ پُراعتماد ہیں، الیکشن میں دھاندلی نہیں دھاندلہ ہوا ہے۔ رہنماء پاکستان تحریک انصاف کا کہنا تھا کہ یک جنبش قلم سے ہماری نشستوں پر ضرب لگا دی گئی، دو مارچ کو پورے پاکستان میں دیگر جماعتوں کے ساتھ احتجاج کریں گے، عوام کے مینڈیٹ پر شب خون مارا گیا ہے۔ عمر ایوب نے کہا کہ کل بھی لودھراں میں ہماری سیٹ پر شب خون مارا گیا، ہم عدالتوں اور اسمبلیوں میں بھی احتجاج کریں گے، عوام نے بانی پی ٹی آئی کو مینڈیٹ دیا ہےہماری لڑائی حق اور سچ کی لڑائی ہے، ہمارے پاس فارم 45 موجود ہیں |