ہری پور سے ریسکیو کئے گئے چیتے کے بچوں کے کیا نام رکھے گئے،تفصیلات حاضر

ہری پور ،جبری سے ریسکیو کئے گئے چیتے کے 2 بچوں کے نام نیلو اور سلطان رکھ دیئے گئے اسلام آباد میں وائلڈ لائف مینجمنٹ بورڈ کی چیئرپرسن رینا سعید نے پریس کانفرنس کے دوران میڈیا کو آگاہ کیا کہ ایک نر چیتا ہے جس کا نام سلطان رکھا گیا ہے، جبکہ مادہ چیتے کا نام نیلو رکھا گیا ہے، دونوں بچوں کی عمر 2 ماہ ہے۔ رینا سعید کا کہنا تھا کہ ان چیتے کے بچوں کی ماں لاپتہ ہے، اس حوالے سے مقامی افراد کا کہنا ہے کہ چیتے کے بچوں کی ماں کو مار دیا گیا ہے۔جبکہ کے پی وائلڈ لائف کی درخواست پر چیتے کے بچوں کو اسلام آباد وائلڈ لائف ریسکیو اینڈ ری ہیبلیٹیشن سینٹر منتقل کر دیا گیا ہے۔ وائلڈ لائف مینجمنٹ بورڈ کی چیئرپرسن نے مزید نے مزید کہا کہ چیتے کے بچوں کا طبی معائنہ مکمل ہو چکا ہے، رینا سعید کا کہنا تھا کہ ڈبلیو ڈبلیو ایم بی پاکستان کے مطابق چیتے کی نسل پاکستان میں خطرے سے دو چار ہے، اسلام آباد وائلڈ لائف چیتوں کی نگہداشت کے لیے غیر معمولی اقدامات کرے گی