پی کے 40 ،ووٹوں کی دوبارہ گنتی،مسلم لیگ ن کے سردار شاہجہان یوسف کامیاب |
|
پیر 19 فروری 2024ء | |
خیبر پختونخواہ کے صوبائی حلقے پی کے 40 میں ووٹوں کی دوبارہ گنتی مکمل،مسلم لیگ ن کے سردار شاہجہان یوسف کامیاب قرار،فارم 47 جاری کردیا گیا تفصیلات کے مطابق خیبرپختونخواہ کی صوبائی اسمبلی کی نشست پی کے 40 میں 173 پولنگ اسٹیشنز کی دوبارہ گنتی مکمل کرلی گئی۔جس کے بعد مسلم لیگ ن کے سردار شاہ جہان یوسف کامیاب قرار پائے ہیں۔ پی کے 40 میں ووٹوں کی دوبارہ گنتی کے حوالے سے درخواست پی ٹی آئی کے حمایت یافتہ آزاد امیدوار شکور لغمانی نے دی تھی گنتی مکمل ہونے کے بعد پی کے 40 کا فارم 47 جاری کردیا گیا ہے جس کے مطابق سردار شاہ جہان یوسف نے 43014 جبکہ شکور لغمانی نے 42918 ووٹ حاصل کیے |