کمشنر راولپنڈی مستعفی،انتخابات میں دھاندلی کے الزامات ،الیکشن کمیشن کی تردید

انتخابات کے نتائج میں مبینہ دھاندلی کا اعتراف کرتے ہوئے کمشنر راولپنڈی لیاقت علی چٹھہ عہدے سے مستعفی،پولیس نے حفاظتی تحویل میں لے لیا تفصیلات کے مطابق پاکستان سپر لیگ کے سیکیورٹی انتظامات کے حوالے سے راولپنڈی کرکٹ سٹیڈیم میں نیوز کانفرنس کے دوران کمشنر راولپنڈی نے کہا کہ ہم نے پچاس پچاس ہزار کی لیڈ میں تبدیل کردیا،راولپنڈی ڈویژن میں انتخابی نتائج میں ناانصافی کی گئی ہے جس کی زمہ داری قبل کرتا ہوں ،مجھےراولپنڈی کے کچہری چوک میں پھانسی دی جائے میں اپنے آپ کو پولیس کے حوالے کرتا ہوں کمشنر راولپنڈی کا کہنا تھا کہ میں خود کشی کی کوشش کی لیکن پھر سوچا کہ حقائق عوام کے سامنے رکھوں انہوں نے باقی بیوروکریسی سے بھی کہا کہ وہ حقائق سامنے لائیں کمشنر راولپنڈی کی پریس کانفرنس کے بعد پولیس حکام نے انہیں حفاظتی تحویل میں لے لیا جبکہ ایس یس پی آپریشنز نے انکی گرفتاری کے حوالے سے خبروں کی تردید کر دی دوسری جانب ترجمان الیکشن کمیشن کا کہنا ہے کہ الیکشن کمیشن کے کسی عہدہ دار نے الیکشن نتائج کی تبدیلی کے لیے کمشنر راولپنڈی کو کبھی بھی کوئی ہدایات جاری نہیں کی،کسی بھی ڈویژن کا کمشنر نہ تو ڈی آر او، آر او یا پریذائیڈنگ آفیسر ہوتا ہے۔ نہ ہی الیکشن کے کنڈکٹ میں کسی کمشنر کا کوئی براہ راست کردار ہوتا ہے۔ الیکشن کمیشن نےمعاملے کی جلد از جلد انکوائری کرنے کا فیصلہ کر لیا ہے