انتخابی عذرداریاں جمع کرانے کا معاملہ،الیکشن کمیشن نے 4 کاونٹرز قائم کر دیئے |
|
پیر 12 فروری 2024ء | |
الیکشن کمیشن آف پاکستان کے باہر شکایات سیل قائم کر دیا گیا، چاروں صوبوں کے علیحدہ علیحدہ کاؤنٹرز قائم کر دیئے گئے الیکشن کمیشن کے مطابق شکایات سیل انتخابی نتائج سے متعلق قائم کیے گئے ہیں، درخواست گزار اپنے اپنے حلقے سے متعلق معلومات لے سکیں گے، الیکشن کمیشن میں انتخابی عذرداریاں دائر کرنے کا سلسلہ جاری ہے، الیکشن کمیشن 67 درخواستوں پر سماعت کررہا ہے جبکہ درخواستوں پر سماعت کے لیے 2 بینچ تشکیل دے دیے گئے ہیں۔ الیکشن کمیشن کا کہنا ہے کہ ممبر پنجاب اور ممبر خیبرپختونخوا پر مشتمل بینچ 29 درخواستوں پر جبکہ ممبر سندھ اور ممبر بلوچستان پر مشتمل بینچ 38 درخواستوں پر سماعت کرے گا۔ |