الیکشن پر امن اور شفاف ہونگے،وزیر اطلاعات

نگراں وزیرِ اطلاعات مرتضیٰ سولنگی کہتے ہیں انتخابات سے متعلق انتظامات مکمل،یقین دلاتے ہیں کہ الیکشن پُرامن ہوں گے۔ اسلام آباد میں نیوز کانفرنس کے دوران وزیر اطلاعات مرتضیٰ سولنگی کا کہنا تھا کہ انتخابات میں سیکیورٹی کو 3 حصوں میں تقسیم کیا گیا ہے، پہلے حصے میں پولیس، دوسرے میں رینجرز اور ایف سی سیکیورٹی کے فرائض انجام دیں گے جبکہ سیکیورٹی کی تیسری ٹیئر پاک فوج کی ہوگی مرتضی سولنگی کا کہنا تھا کہ ملک بھر میں 12 کروڑ سے زائد شہری حق رائے دہی استعمال کریں گے، نگران وزیر اطلاعات کا کہنا تھا کہ عدالتی فیصلے پر نگراں حکومت کوئی بات نہیں کر سکتی، پاکستان میں میڈیا آزاد ہے اور ہر پاکستانی شہری کو اظہارِ رائے اور تنقید کا حق حاصل ہے۔مختلف ممالک سے 92 عالمی مبصرین انتخابات کور کریں گے، مرتضی سولنگی نے مزید کہا کہ دہشت گردی ملک کے لیے نئی نہیں، اس سے ہم دہائیوں سے گزر رہے ہیں، 2008ء اور 2013ء میں الیکشن کے وقت دہشت گردی تھی۔طالبان کی جانب سے کابل حکومت سنبھالنے کے بعد دہشت گردی میں اضافہ ہوا۔ القاعدہ اور ٹی ٹی پی افغانستان کو محفوظ پناہ گاہ کے طور پر استعمال کرتے ہیں۔ وزیر اطلاعات نے کہا کہ پاکستان دہشت گردوں کے خلاف کارروائیاں کر رہا ہے، ہماری سیکیورٹی فورسز انتخابات کے لیے مکمل طور پر تیار ہیں۔