اسلام آباد ہائیکورٹ نے بانی پی ٹی آئی کی درخواست ضمانت پر اعتراضات دور کرنے کی ہدایت کردی |
|
| جمعرات 25 جنوری 2024ء | |
 |
|
اسلام آباد ہائیکورٹ نے بانی پی ٹی آئی کی توشہ خانہ ریفرنس اور 190 ملین پاؤنڈز ریفرنس میں ضمانت کی درخواستوں پر اعتراضات دور کرنے کی ہدایت کر دی ہے۔ اسلام آباد ہائی کورٹ کے جسٹس ارباب محمد طاہر اور جسٹس ثمن رفت امتیاز پر مشتمل ڈویژن بینچ نے بانی پی ٹی آئی کی توشہ خانہ ریفرنس میں ضمانت کی درخواست پر اعتراضات کے ساتھ سماعت کی۔ بانی پی ٹی آئی کے وکیل نے درخواست پر سے اعتراضات دور کرنے کے لیے وقت مانگ لیا جس پر جسٹس ارباب محمد طاہر نے ریمارکس دیئے کہ آپ کو سات روز کا وقت دیتے ہیں،اعتراضات دور کر لیں۔ عدالت نے وکلا کو درخواست ضمانت پر ایک ہفتے میں اعتراضات دور کرنے کی ہدایت کر دی۔ دوسری جانب چیف جسٹس عامر فاروق اور جسٹس طارق محمود جہانگیری نے بانی پی ٹی آئی کی 190 ملین پاؤنڈ ریفرنس میں ضمانت کی درخواست پر اعتراضات کے ساتھ سماعت کی۔ بانی پی ٹی آئی کے وکیل عمیر بلوچ نے اعتراضات دور کرنے کے لیے وقت مانگ لیا، جس پر عدالت نے اعتراضات دور کرنے کیلئے وقت دیتے ہوئے سماعت ملتوی کر دی۔ |
