وزیراعظم نے 18 ممالک میں نئے سفراء کی تعیناتی کی منظوری دے دی |
|
| هفته 23 دسمبر 2023ء | |
 |
|
نگران وزیراعظم انوار الحق کاکڑ نے 18 ممالک میں نئے سفراء تعینات کرنے کی سمری پر دستخط کردیئے ذرائع کے مطابق نگران وزیر خارجہ جلیل عباس جیلانی کی سفارش پر کل 18 ممالک میں نئے پاکستانی سفیروں کی تعیناتی کی منظوری دی ہے۔ ذرائع کے مطابق جن نے سفراء کی منظوری دی گئی ہے ان میں قاسم محی الدین آزربائیجان، نوید بخاری عمان میں پاکستان کے نئے سفیر ہونگے، جبکہ کامران اختر آسٹریا، رخسانہ افضال تھائی لینڈ، زاہد رضا ماریشیس، ظہور احمد اسپین میں پاکستان کے نئے سفیر کے طور پر فرائض انجام دینگے۔ ذرائع کے مطابق فیصل عزیز نیوزی لینڈ، احسن وگن ترکمانستان، رابعیہ شفیق سنگاپور میں پاکستان کی نئی سفیر ہونگی، مراد اشرف جنجوعہ برازیل، ارشد جان پٹھان رومانیہ، عمران حیدر میانمار میں پاکستان کے نئے سفیر تعینات کر دیئے گئے۔ ذرائع کے مطابق خالد اعجاز پرتگال، محمود اختر محمود آئیوری کوسٹ، ظفر اقبال کویت، ملک فاروق کمبوڈیا جبکہ خودایار مری ویتنام میں پاکستان کے نئے سفیر ہونگے۔ |
