جے یو آئی نے انتخابات کے لئے کاغذات نامزدگی کی وصولی کی تاریخ میں توسیع کا مطالبہ کردیا،سینیٹر کامران مرتضیٰ کا چیف الیکشن کمشنر کو خط

جمیعت علمائے اسلام نے الیکشن کمیشن سے کاغذات نامزدگی کی وصولی کے دن بڑھانے کا مطالبہ کردیا،جے یو آئی کے سینیٹر کامران مرتضیٰ کا چیف الیکشن کمشنر کو خط لکھ دیا سینیٹر کامران مرتضیٰ کی جانب سے چیف الیکشن کمشنر کو لکھے گئے خط کے متن میں کہا گیا ہے کہ سپریم کورٹ کے حکم پر الیکشن کمیشن کی جانب سے عام انتخابات کا شیڈول جاری کیا گیا،سیاسی جماعتوں نے انتخابات کیلئے قومی اور صوبائی سطح پر امیدواروں کو پارٹی ٹکٹ تقسیم کرنے ہیں،کاغذات نامزدگی کی وصولی کیلئے تین دن کا اضافہ کیا جائے، خط کے متن میں کہاگیا ہے کہ کاغذات نامزدگی کی سکروٹنی کے وقت کو 7 دن سے کم کر کے چار دن کیا جاسکتا ہے،سکروٹنی کا وقت کم کرنے سے پولنگ 8 فروری کو کرانا ممکن ہوگا، خط میں واضح کیا گیا ہے کہ جے یو آئی کو انتخابات کی تاریخ اور دیگر الیکشن شیڈول کے مراحل پر کوئی اعتراض نہیں، تاہم الیکشن ایکٹ کے سیکشن 58 کے تحت الیکشن کمیشن شیڈول کے اندر ردوبدل کرسکتا ہے، کاغذات نامزدگی کے وقت میں اضافہ جے یو آئی کیلئے بطور سیاسی جماعت باعث اطمینان ہوگا، خط میں کہا گیا ہے کہ کاغذات نامزدگی کا وقت بڑھانے سے سیاسی جماعتوں کو بہتر امیدواروں کے چنائو میں آسانی ہوگی،